Возера Лосвіда размешчана ў Гарадоцкім раёне Віцебскай вобласці, у 7 км на поўдзень ад Гарадка. У возера ўпадаюць рака Чарніца і чатыры ручаі, адзін ручай выцякае ў возера Цыганова.

Плошча возера складае 11,42 км², яго найбольшая глыбіня - 20,2 м, даўжыня - 7,08 км, а найбольшая шырыня роўная 4,88 км. Берагавая лінія возера парэзана трыма буйнымі залівамі. На паўночным захадзе размешчаны аддзелены водмеллю заліў Малое Ласвіда. Гэты водападзел носіць назву «сцежка Напалеона». Берагі возера высокія і стромкія, на захадзе і на паўночным захадзе - спадзістыя, на захадзе - парослыя лесам. Дно возера пераважна пяшчанае, на поўначы і ўсходзе - пясчана-галечнае, месцамі сустракаюцца валуны і глей, а глыбей - сапрапель. У возеры растуць рэдкія для Беларусі віды раслін: шальнік Валенберга, наяда малая і марская, палушнік азёрны.

Парэзаная берагавая лінія і яе вялікая даўжыня даюць магчымасць разгуляцца аматарам рыбалкі. У возеры водзіцца вялікая колькасць відаў рыб: густэра, акунь, лешч, лінь, чырвонапёрка, ёрш, карась, судак, шчупак і іншыя.

Узбярэжжа возера Лосвіда - папулярнае месца адпачынку ў жыхароў мясцовасці. Тут ёсць абсталяваны кабінкамі для пераапранання і навесамі пляж, лодкавая станцыя. Адпачывальнікаў прымаюць размешчаныя сярод лесу гасцявы дом, сядзіба і турыстычны комплекс.

  Побач з вадаёмам размешчаны наступныя аб'екты:

Лосвіда Віцебская вобласць Вадаем (возера Лосвіда, плошча 11.42км2;) Пляж (кабінкі для пераапранання, навесы) Адлегласць да вадаёма 300м;

Насяляюць наступныя рыбы: