Амаль у самым цэнтры Бярэзінскага біясфернага запаведніка ў Лепельскім раёне, Віцебскай вобласці знаходзіцца возера Дамжэрыцкае. Возера размешчана ў паўночнай частцы Дамжэрыцкіх балот у басейне р. Сергуч у 1,1 км на ўсход ад в. Дамжэрыцы.

Невялікай пратокай возера злучана з р. Бузянкай. Аднак у асноўным, возера напаўняецца водамі Дамжэрыцкіх балот і дажджавымі водамі, у якіх мала мінеральных соляў і шмат гумусовых злучэнняў. Менавіта яны надаюць вадзе колер моцна заваранай гарбаты і амаль у палову зніжаюць яе празрыстасць. Катлавіна возера мае кругую форму, ва ўсходняй частцы ёсць заліў. З агульнай плошчы вадазбору 80% пакрыта забалочанымі лясамі.

Плошча паверхні возера складае 2,29 км², яго даўжыня - 1,97 км, найбольшая шырыня 1,33 км. Максімальная глыбіня возера дасягае 2,2 м. Даўжыня берагавой лініі - 6,1 км. Берага возера запар нізкія, забалочаныя і парослыя лесам і хмызняком, толькі ў 2-х месцах падступаюць пясчаныя грывы, якія называюць «Жылая і Нежылая Быкаўка». Дно возера плоскае, у берагоў выслана торфам і месцамі пяском, у цэнтральнай частцы - сапрапелем (каштоўным сельскагаспадарчым угнаеннем). Возера цалкам зарастае падводнай расліннасцю, уздоўж берагоў паласа надводнай расліннасці мае шырыню да 150 м.

Дамжэрыцкае возера асабліва прывабна для аматараў рыбнай лоўлі. Тут дазволена лоўля на дарожку і падводнае паляванне. У возеры можна злавіць срэбнага карася, ляшча, ліня, плотку, шчупака і акуня. Набыць пуцёўку на платную рыбалку магчыма ў адміністратара ў ГК «Сергуч» (в. Дамжэрыцы).
У 200 м ад берага жывапіснага возера размешчаны гасцявы дом «Дамжэрыцкае возера».

  Побач з вадаёмам размешчаны наступныя аб'екты:

Дамжэрыцкай возера Віцебская вобласць Вадаем (возера Домжарыцкае, плошча 2.29км2;) Пляж (неабсталяваны, пірс) Адлегласць да вадаёма 50м;

Насяляюць наступныя рыбы: