Працэс браніравання

Этапы браніравання пуцёўкі ў аб'екты адпачынку Беларусі на інтэрнэт-партале Beltur.by

Пасля адпраўкі заяўкі Вас чакае некалькі этапаў:

• запаўненне неабходных дадзеных для афармлення броні,
• аплата рахункf і падпісанне дагавора (тыповы дагавор аказання турыстычных паслуг),
• атрыманне пуцёўкі.

Пасля атрымання Вашай заяўкі спецыялісты аддзела апрацуюць Ваш заказ на працягу 24 гадзін. Са старонкі заяўкі Вы можаце адпраўляць паведамленні, атрымліваць неабходную інфармацыю і дакументы ад спецыялістаў аддзела. Усе пытанні, у тым ліку замена аб'екта адпачынку, даты заезду, катэгорыі нумара і інш., вырашаюцца ў рамках адной заяўкі са спецыялістамі аддзела браніравання. Дадатковыя інструкцыі, у выпадку неабходнасці, па Вашым запыце будуць адпраўленыя Вам спецыялістамі аддзела.

Пацвярджэннем браніравання пуцёўкі ў аб'ект адпачынку з'яўляецца аформлены дагавор і рахунак на аплату.

Аплата пуцёвак

• Наша прадпрыемства працуе на падставе папярэдняй 100% аплаты забраніраваных пуцёвак. Падрабязней пра аплату >>.
• Аплата пуцёвак ажыццяўляецца згодна з высланым рахункам у беларускіх рублях, расійскіх рублях, далярах ЗША, еўра аплатнымі банкаўскімі картамі Mastercard, Visa, Мір праз сістэму bePaid, для фізічных асоб Рэспублікі Беларусь праз Сістэму Разлік (АРІП) (без камісіі) па безнаяўным разліку, у аддзяленнях банкаў краіны Вашага пражывання або ў офісе нашага прадпрыемства ў г. Мінск наяўнымі ў беларускіх рублях або аплатнай банкаўскай картай (без камісіі).
    

Хадайніцтва на атрыманне візы

Для замежных грамадзян, якім патрабуецца атрыманне беларускай візы, хадайніцтва адпраўляецца намі ў амбасаду Беларусі бясплатна. Аплата непасрэдна віз ажыццяўляецца ў консульскіх установах Рэспублікі Беларусь. Хадайніцтва на атрыманне візы афармляецца на даты адпачынку па пуцёўцы плюс дадатковы дзень у пачатку і ў канцы адпачынку.

Атрыманне пуцёвак

Пасля залічэння грошай і падпісання дагавора пры дапамозе сеткі Інтэрнэт (факсімільнай сувязі) Вам будзе адпраўлена пуцёўка, якую разам з пашпартам Вам неабходна будзе прад'явіць пры засяленні ў аб'ект адпачынку. Таксама, пры жаданні і магчымасці, Вы можаце атрымаць дакументы ў нашым офісе. Па прыбыцці ў аб'ект адпачынку ў некаторых выпадках неабходна дадаткова аплаціць курортны збор, устаноўлены заканадаўствам Рэспублiкi Беларусь.

Зварот пуцёвак і грашовых сродкаў

У выпадку ўзнікнення абставін, якія не дазваляюць скарыстацца аплочанай пуцёўкай у аб'ект адпачынку Беларусі, можна змяніць або ануляваць заказ у любы час. Усе змены, у тым ліку перыяд адпачынку, колькасць і склад адпачывальнікаў, адмова ад пуцёвак, павінны быць аформлены ў пісьмовым выглядзе на старонцы заяўкі.

Заява афармляецца на імя дырэктара ПНВУП "Аўтаматызаваныя тэхналогіі турызму" з указаннем прычын адмовы ад пуцёвак і завяраецца подпісам Замоўца паслуг. Да заявы трэба прыкласці медыцынскія ці іншыя дакументы, якія пацвярджаюць адсутнасць магчымасці засялення ў аб'ект адпачынку.
У выпадку адмовы ад аплочанай пуцёўкі грашовыя сродкі вяртаюцца за вылікам фактычна панесеным расходаў (аплата камісійнага ўзнагароджання банку за прыём плацяжу, штрафныя санкцыі па дамове прадпрыемства з аб'ектам адпачынку, выдаткі прадпрыемства на аказанне паслуг па браніраванню пуцёвак па заяўцы Замоўцы).

Важна

        
• Калі Ваша заяўка закрыта, у Вас ёсць магчымасць аднавіць яе на працягу 7 дзён. У іншым выпадку, Вам неабходна адпраўляць новую заяўку на браніраванне пуцёвак на агульных умовах.
• Заяўкі, якія не адпавядаюць нашым патрабаванням і парушаюць правілы браніравання, могуць не разглядацца.

Рэжым працы спецыялістаў аддзела браніравання:

	Час працы	Выходныя	Выканаўцы
Прыём заявак на браніраванне	кругласутачна	штодня	у аўтаматычным рэжыме
Апрацоўка заявак	9.00 - 19.00 пн-пт 10.00 - 17.00 сб	нядзеля	спецыялісты аддзела
Аплата пуцёвак у офісе	9.00 - 12.30, 13.30 - 18.00	субота, нядзеля	спецыялісты бухгалтэрыі

Кантактная інфармацыя спецыялістаў пазначана на старонцы Вашай заяўкі і ў раздзеле Кантакты. Аддзел браніравання прапануе звязацца са спецыялістамі аддзела, выкарыстоўваючы папулярныя дадаткі і сэрвісы па нумару тэлефона +37529-766-66-53 (Viber, Whatsapp, Skype, Telegram) (панядзелак - пятніца з 09.00 па 19.00).