Крыжанка

Крыжанка (anas platyrhynchos). Вобласць гнездавання крыжанкі - аднаго з найболей вядомых і шырока распаўсюджаных відаў качак - распасціраецца праз усю Еўропу, Азію, Паўночную Амерыку. На поўдні па мяжы нашай краіны праходзіць мяжа арэала крыжанкі. На большай частцы арэала - гэта пералётная птушка. Асноўныя месцы зімоўкі крыжанак, якія гныздуюцца ў Беларусі, размешчаны ў Заходняй Еўропе. Але такая сітуацыя была да нядаўняга часу. Тэрыторыі, прыдатныя для зімоўкі птушак як у Заходняй Еўропе, так і ў нашай краіне, у апошнія дзесяцігоддзі інтэнсіўна асвойваліся чалавекам, што прывяло да іх моцнага скарачэння. Гэта адбілася на колькасці шматлікіх відаў вадаплаўных птушак. Менш за ўсіх пацярпела ад памяншэння плошчаў, прыдатных для зімоўкі, крыжанка. З'яўдяючыся адным з самых пластычных відаў сярод вадаплаўных, крыжанкі пачалі заставацца на зімоўку на незамярзальных вадаёмах, размешчаных побач з раёнамі гнездавання. Па колькасці крыжанка ў Беларусі пераўзыходзіць усе астатнія віды вадаплаўных. З наступам перыяду палявання інтэнсіўна праследуемыя птушкі пакідаюць ранейшыя месцы пасялення і збіраюцца ў вялікай колькасці на днеўку ў цяжкадаступных участках. Да нядаўняга часу такія дзённыя "сады" размяшчаліся ў зарослых хмызняком балотах з адчыненымі вокнамі вады, глухіх участках пойм рэк, аднак у цяперашні час большасць крыжанак праводзяць днеўку на буйных вадаёмах зблізку высп, на спушчаных рыбаводных сажалках, а таксама выкарыстоўваюць для днеўкі вадаёмы, размешчаныя ў гарадах, дзе качкі таксама адчуваюць сабе ў бяспецы. Гаспадарчае значэнне крыжанак вельмі вялікае. Гэта асноўны аб'ект спартыўнага палявання.