Ваверка звычайная

Вавёрка звычайная (Sciurus vulgaris). У Беларусі белка – адзін з найбольш шматлікіх паляўнічых звяроў. Яна сустракаецца ва ўсіх лясах і нават гарадскіх парках. Яе колькасць у залежнасці ад кармавых умоў моцна змяняецца. Прычым у гэтай дынаміцы назіраецца некаторая перыядычнасць. Цыклы змены колькасці вавёркі паўтараюцца праз 4-5 гадоў. Сучасная яе колькасць складае 101,5 тысяч асобін. Месцапражываннямі вавёркі з'яўляюцца розныя лясы, але аддае перавагу яна іглічным і змешаным, а з іх першым чынам ялова-шырокалісцевым і яловым. Колькасць гэтага звярка больш высокая і стабільная ў змяшаных лясных масівах з перавагай елкі з-за наяўнасці разнастайных кормаў, што дазваляе ў гады неўраджая адны карма замяняць іншымі. У хвойніках белка сустракаецца часта толькі ў гады вялікага ўраджая хваёвых шышак. Драбналістыя лясы, складзеныя з бярозы, вольхі і асіны, вавёрка амаль не засяляе з-за дрэнных кармавых і ахоўных умоў. Палююць на вавёрку паўсюдна, хоць спецыяльным паляваннем на ваверку займаецца няшмат паляўнічых.