Aктыўны адпачынак

Базы адпачынку Беларусі – гэта не толькі магчымасць нацешыцца чароўнай беларускай прыродай, мясцовым каларытам і гасціннасцю, але і выдатны спосаб актыўна, весяла і нават экстрэмальна правесці час. Адпачынак на прыродзе, сумешчаны з актыўнымі забаўкамі, дапаможа зняць стомленасць ад працоўных будняў, здабыць веру ў свае сілы, атрымаць яркія і незабыўныя эмоцыі.

Базы адпачынку і турыстычныя комплексы Беларусі прапануюць розныя варыянты для актыўнага баўлення часу. З кожным годам разнастайнасць такога роду забавак павялічваецца: акрамя больш звыклай магчымасці праката спартыўнага інвентара, лодак аб'екты адпачынку арганізуюць пешыя, водныя і конныя экскурсійныя маршруты, праводзяць квэсты і спаборніцтвы, прапануюць прайсці розныя ўзроўні складанасці вяровачных гарадкоў, гульні ў пэйнтбол ці лазертаг.

На партале Beltur.by Вы зможаце знайсці варыянты для актыўнага адпачынку на любы густ і бюджэт.
Для тых, хто жадае заўсёды заставацца ў добрай спартыўнай форме, падыдуць аб'екты адпачынку з басейнам, тэнісным кортам, спартыўнымі пляцоўкамі, вулічнымі трэнажорам, трэнажорнымі заламі і пракатам спартыўнага інвентара.
Аматары экстрыму па добрай якасці ацэняць аб'екты адпачынку з горналыжнымі спускамі, вэйкпаркам, картынгам, вяровачнымі гарадкамі.
Для прыхільнікаў адпачынку вялікай кампаніяй можна паглядзець варыянты, у якіх арганізуюцца камандныя гульні: пэйнтбол, лазертаг, страйкбол, боўлінг, а таксама розныя квэсты. Для аматараў жывёл шматлікія базы адпачынку прапануюць прагулкі на канях, экскурсійныя туры ў натуральнае асяроддзе жывёл. А знатакоў водных забавак, напэўна, зацікавяць базы адпачынку, дзе магчымы пракат лодак і катамаранаў, арганізуюцца катанні на цеплаходах, сплавы на байдарках і каноэ.