Паляванне з засады

На звярынай сцежцы кладзецца прынаджванне — ядомая ці іншая прынада, непадалёк ад якой уладкоўваецца засада. Звычайна паляўнічыя майструюць скрадок — будан або іншае сховішча, у якім і чакаюць з'яўлення звера. Або на месцах пралёту птушкі побач з возерам ці балотам паляўнічы будуе будан і чакае птушак там. Да палявання з засады адносіцца і паляванне з вышкі на падкармачнай пляцоўцы. Дзікі восенню і зімой рэгулярна выходзяць на падкормку да падкармачнай пляцоўкі, побач з якой будуецца стацыянарная вышка вышынёй 10-15 метраў. На ёй паляўнічы можа досыць камфортна размясціцца і чакаць выхаду звера. На месцах верагоднага выхаду казулі ці аленя, напрыклад, ля ўскрайку лесу на мяжы яго з полем ці палянай могуць ставіцца пераносныя вышкі. Яны менш камфортныя для паляўнічага і горш маскіруюць, але затое мабільныя і могуць ставіцца ў любое зручнае месца. Паляванне з вышкі на капытных вельмі папулярнае, а часам і застаецца адзіным магчымым спосабам палявання.

Паляванне з засады практыкуецца на:

	Лася		Аленя
	Дзіка		Казулю
	Ваўка		Лісіцу
	Цецерука		Гусака
	Качку		Бекаса