Шэвіна возера

Возера Шэвіна знаходзіцца ў Віцебскім раёне Віцебскай вобласці, у 16 км на Захад ад г. Віцебск, каля в. Шэвіна і адносіцца да басейна р. Шэвінка (прыток р. Заходняя Дзвіна). Возера ўваходзіць у зону адпачынку Астроўна-Лётцы. Мясцовасць вакол возера пераважна ўзгорыстая, большай часткай парослая лесам і хмызняком, месцамі багністая. На Поўдні і Паўднёвым-Захадзе размешчаны шырокія лясныя масівы, багатыя разнастайнымі ягадамі і грыбамі.

Плошча паверхні возера складае 0,37 км², яго даўжыня - 1,2 км, найбольшая шырыня 0,48 км, максімальная глыбіня - 4,5 м. Берагі пераважна высокія (вышынёй ад 2 да 17 метраў) і пяшчаныя, але на Паўднёвым-Усходзе часткова забалочаныя, парослыя хмызняком, месцамі рэдкалессем. Дно возера шырокае і пясчанае, глыбей пакрыта глеем. Берагавая лінія возера ўтварае на ім невялікія залівы. Шэвіна зарастае умерана, шырыня паласы прыбярэжнай расліннасці дасягае 40 метраў. Залівы зарастаюць гарлачыкамі, рагаліснікам, урэчнікам. Праз возера працякае рака Шэвінка (ўпадае пад назвай Заронаўка) і ўпадае рака Ужніца, якая злучае яго з возерам Лётцы.

На возеры Шэвіна ёсць усё для незабыўнага адпачынку - добраўпарадкаваны пляж з камфортнымі кабінкамі для пераапранання. Схавацца ад назойлівай летняй спёкі або адасобіцца ад шумнай кампаніі можна ва ўтульнай альтанцы, а аматарам актыўнага адпачынку прыйдуцца па душы спецыяльна абсталяваныя зоны для пікніка. Возера насяляюць лешч, шчупак, плотка, лінь, чырвонапёрка, акунь і інш. Рыба. На берагах возера і ў наваколлі размешчаны 2 санаторыя, база адпачынку і 2 дзіцячых аздараўленчых лагера.