Прыватнае навукова-вытворчае ўнітарнае прадпрыемства «Аўтаматызаваныя тэхналогіі турызму»
220007, Рэспубліка Беларусь, г. Мінск, вул. Суражская, д. 10, оф. 21, т/ф +37517 394-49-09 att.by
Памятка турыста
Агульная інфармацыя пра Беларусь
Падрабязную інфармацыю пра геаграфічнае становішча, прыроду, правілы ўезду ў Рэспубліку Беларусь, мытныя правілы, валютны кантроль, насельніцтва, культуру, мову, транспарт, кухню можна знайсці ў раздзеле Інфармацыя пра Беларусь.
Правілы і асаблівасці, якія неабходна ўлічыць пры паездцы ў базу адпачынку
Дакументы, неабходныя пры заездзе ў базы адпачынку і турыстычныя комплексы:
- Па прыбыцці на адпачынак з загадзя набытай пуцёўкай Вам варта звярнуцца да адміністратара для рэгістрацыі. Пры рэгістрацыі прад'явіце наступныя дакументы: пашпарт, пуцёўку (дакумент, які загружаецца на старонку заяўкі пасля аплаты). Для дзяцей да 16 гадоў: пасведчанне аб нараджэнні дзіцяці (пашпарт).
- Пры планаванні паездкі рэкамендуецца загадзя паклапаціцца аб наяўнасці копіі пашпартоў усіх удзельнікаў вандроўкі, праязных білетаў (авія, чыгунка, аўтобус) і іншых дакументаў. Яны спатрэбяцца ў выпадку страты арыгіналаў, а таксама ў іншых сітуацыях, якія могуць паўстаць у краіне знаходжання. Захоўваць копіі варта асобна ад арыгіналаў.
Страхаванне
- У Рэспубліцы Беларусь уведзена абавязковае медыцынскае страхаванне замежных грамадзян і асоб без грамадзянства, якія часова знаходзяцца ў Рэспубліцы Беларусь, на выпадак аказання хуткай і неадкладнай медыцынскай дапамогі дзяржаўнымі лячэбна-прафілактычнымі ўстановамі пры раптоўным захворванні або няшчасным выпадку.
- Аформіць страхавы медыцынскі поліс можна на любым кантрольна-прапускным пункце на межах Беларусі, а таксама ў аэрапортах і чыгуначных станцыях, дзе працуюць аддзяленні беларускіх дзяржаўных страхавых арганізацый.
- Кошт страхавання залежыць ад колькасці дзён знаходжання і некаторых умоў.
- Для наведвання Беларусі грамадзянам Расійскай Федэрацыі медыцынская страхоўка неабавязковая. Паміж Рэспублікай Беларусь і Расійскай Федэрацыяй падпісана пагадненне аб аказанні хуткай і неадкладнай медыцынскай дапамогі грамадзянам нашых краін бясплатна.
Па міжнароднай практыцы падарожжаў грамадзянам РФ рэкамендуецца заключыць дагавор добраахвотнага медыцынскага страхавання. Поліс страхавой кампаніі прапануе больш шырокі спектр паслуг, чым прапісана ў дамове нашых краін. Акрамя аплаты медыцынскіх расходаў, у пакрыццё ўваходзіць неабходная ў экстранай сітуацыі медыцынская транспарціроўка застрахаванага да месца аказання хуткай дапамогі або медыцынская эвакуацыя пасля аказанай медыцынскай дапамогі для далейшага лячэння ў бліжэйшую медустанову на тэрыторыі РФ.
Як дабрацца да аб'екта адпачынку
- Праезд да месца адпачынку ажыццяўляецца самастойна. Звяртаем Вашу ўвагу, што трэба самастойна азнаёміцца і кіравацца правіламі выезду з тэрыторыі Рэспублікі Беларусь і заезду на тэрыторыю Рэспублікі
Беларусь. У выпадку ўзнікнення пытанняў і сумневаў, рэкамендуем звярнуцца за дадатковай кансультацыяй да спецыяліста па браніраванні.
- Для праезду ў аб'ект адпачынку і назад выбірайце афіцыйных перавозчыкаў, якія маюць ліцэнзію на ажыццяўленне перавозак пасажыраў аўтамабільным транспартам.
- Для зручнасці нашых кліентаў беларускі тураператар Аўтаматызаваныя тэхналогіі турызму стварыў сістэму онлайн-замовы трансферу паміж гарадамі Беларусі і аб'ектамі адпачынку, даступную на Інтэрнэт-партале www.beltransfer.by.
Што трэба ведаць пра знаходжанне ў аб'екце адпачынку:
- У некаторых аб'ектах адпачынку адпачывальнікі аплачваюць курортны збор у памеры да 5% ад кошту пуцёвак. Курортны збор можа ўключацца ў кошт пры аплаце альбо аплачвацца дадаткова па прыбыцці ў аб'ект адпачынку. Дадзеная інфармацыя вызначаецца ў дагаворы.
- У большасці аб'ектаў адпачынку разліковая гадзіна ў 12:00 па мясцовым часе. У дзень прыезду рассяленне ў нумары ажыццяўляецца пасля 14:00.
- Размеркаванне нумароў з'яўляецца прэрагатывай адміністрацыі аб'екта адпачынку.
- Рэкамендуецца здаваць ключ ад нумара на стойку рэгістрацыі, у выпадку яго страты паставіць у вядомасць адміністрацыю.
- Па прыбыцці ў аб'ект адпачынку неабходна азнаёміцца з планам пажарнай эвакуацыі, правіламі карыстання ліфтам і электрабытавымі прыборамі.
- У выпадку паломкі або няспраўнасці сантэхнічных прылад, электраасвятлення і бытавой тэхнікі варта звяртацца да дзяжурнага адміністратара.
- Варта беражліва адносіцца да мэблі, абсталявання і іншых прадметаў у аб'екце адпачынку. Адпачывальнік нясе матэрыяльную адказнасць за шкоду, прычыненую аб'екту адпачынку.
- Адміністрацыя аб'екта адпачынку не нясе адказнасці за страту каштоўных рэчаў, грошай і дакументаў, пакінутых у нумары. Пошук забытых рэчаў вядзецца самастойна і за свой кошт.
- Адпачывальнікі, якія прыбылі ў аб'ект адпачынку з дзецьмі, нясуць поўную адказнасць за іх дзеянні і бяспеку.
- Захаванне цішыні ў аб'екце адпачынку і на яго тэрыторыі пасля ўсталяванага часу абавязкова для ўсіх.
- Курэнне ў аб'ектах адпачынку дазваляецца ў спецыяльна адведзеных месцах.
- У дзень выезду неабходна да 12:00 вызваліць свой нумар і аплаціць дадатковыя паслугі (тэлефонныя перамовы, міні-бар, заказ харчавання і напояў у нумар і інш.).
Адпачывальнікам забараняецца:
- парушаць правілы пажарнай бяспекі, парушаць правілы карыстання электрабытавымі прыборамі;
- груба абыходзіцца з абслуговым персаналам і іншымі адпачывальнікамі;
- з'яўляцца ў грамадскіх месцах у нецвярозым стане;
- з'яўляцца ў грамадскіх месцах (сталовая, клуб, бібліятэка) у купальных касцюмах, піжамах, халатах.
Што зрабіць па вяртанні з аб'екта адпачынку:
Падзяліцца уражаннем пра адпачынак:
- запоўніць анкету на старонцы Вашай заяўкі
- пакінуць водгук на Google або Яндэкс
Консульскае ўпраўленне міністэрства замежных спраў РБ: 220030, г. Мінск, вул. К. Маркса, 37А, тэлефон: +375 17 379 06 65, факс: +375 17 379 00 63.
Тэлефоны тэрміновай дапамогі ў РБ: МНС – 101, міліцыя – 102, хуткая медыцынская дапамога – 103, аварыйная служба газу – 104.
Для атрымання дадатковай інфармацыі пакіньце паведамленне на старонцы Вашай заяўкі альбо звяжыцеся з супрацоўнікам нашага прадпрыемства па шматканальным тэлефоне +37517 394-49-09 альбо з дапамогай мабільных дадатаў Viber, Telegram, WhatsApp, Skype па нумары +37529 766-66-53.
Прыемнага Вам падарожжа!