Казуля еўрапейская

Казуля еўрапейская (Сapreolus capreolus). У цяперашні час у Беларусі казуля распаўсюджана па ўсёй тэрыторыі. Шчыльнасць яе насельніцтва ў заходніх і паўднёвых раёнах значна вялікая і складае 6-15 асобін на 1000 га лясных угоддзяў, у паўночных раёнах меншая – 2-4 асобіны на 1000 га ўгоддзяў. Найболей спрыяльныя ўмовы для пасялення казулі знаходзяць у невялікіх лясах, размешчаных сярод адкрытых прастораў. Жыццёвым запатрабаванням гэтага віду найболей поўна адказваюць разрэджаныя шырокалісцевыя лясы, якія маюць развіты падлесак. Казуля выяўляе значную экалагічную пластычнасць да антрапагеннага фактару. Яна засяляе разнастайныя ласапасадкі і лесапалосы. З натуральных ворагаў казулі самымі небяспечнымі з'яўляюцца ваўкі, якія ў снежныя зімы здольны значна знізіць іх колькасць. На казуль нярэдка нападае і рысь. Казулята ў першыя месяцы жыцця часта здабываюцца лісамі.